فیصل آباد(نیوزڈیسک)پاکستان کرکٹ میں ایک اوردھماکہ،یونس خان کی لڑائی نے نیا تنازعہ کھڑا کردیا، تفصیلات کے مطابق میچ کے دوران یونس خان کا امپائر راشد ریاض کے ساتھ جھگڑا ہوگیا ،اس دوران دونوں میں تلخ جملوں کاتبادلہ ہوا جس پر میچ ریفری نے یونس خان کو نوٹس جاری کردیا، میچ ریفری کے نوٹس پر یونس خان کا حیرت انگیز ردعمل سامنے آیا اور انہوں نے سماعت کے لئے پیش ہونے سے ہی انکارکردیا ، بعد ازاں یونس خان شدید غصے کے عالم میں ٹورنامنٹ ادھورا چھوڑ کرواپس چلے گئے، یہ واضح نہیں ہے کہ وہ پاکستان کپ کے دیگر میچز میں شرکت کریںگے یا نہیں؟ کرکٹ حلقوں میں یونس خان کے تنازعہ پر شدید افسوس کا اظہار کیا جارہا ہے اور سینئر کھلاڑیوں نے اس جھگڑے کی فوری تحقیقات کا مطالبہ کیا ہے ۔