نئی دہلی(نیوزڈیسک)ویرات کوہلی اور اے بی ڈی ویلیئرز نے ٹی ٹونٹی کرکٹ کی تاریخ میں تیسری بار150 سے زائد رنز کی شراکت جوڑ کر نیا عالمی ریکارڈ قائم کر دیا۔ دونوں بلے بازوں نے رواں آئی پی ایل میں رائزنگ پونے سپرجائنٹس کے خلاف میچ میں یہ سنگ میل عبور کیا ‘ مجموعی طور پر ٹی ٹونٹی میچز میں ابھی تک کوئی بھی جوڑی دو سے زائد بار ڈیڑھ سو سے زائد رنز کی شراکت نہیں جوڑ سکی ‘ بھارت میں جاری لیگ میں گزشتہ روز رائزنگ پونے کے خلاف کھیلے گئے میچ میں کوہلی اور ڈی ویلیئرز نے انتہائی شاندار بیٹنگ کا مظاہرہ کیا ‘ دونوں بلے بازوں نے ڈٹ کر حریف باو¿لرز کا مقابلہ کیا اور دوسری وکٹ میں 155 رنز کی شراکت جوڑ کر ٹیم کو مستحکم پوزیشن دلائی۔یہ دونوں کے درمیان ڈیڑھ سو سے زائد رنز کی تیسری شراکت ہے جو کہ ایک نیا عالمی ریکارڈ بن گیا ہے۔ ویلیئرز 83 اور کوہلی 80 رنز بنا کر آو¿ٹ ہوئے۔