ممبئی(این این آئی) ویسٹ انڈین اور رائل چیلنجرز بنگلور کے اوپننگ بلے باز کرس گیل کے ہاں پہلے بچے کی پیدائش ہوئی ہے جس کے باعث وہ رواں انڈین پریمئر لیگ (آئی پی ایل) کے اگلے دو میچز نہیں کھیل سکیں گے۔ بنگلور کی ٹیم 20 اپریل کو ممبئی انڈینز اور 22 اپریل کو رائزنگ پونے سپرجائنٹس کے مدمقابل ہو گی، بنگلور نے اب تک دو میچز کھیل رکھے ہیں جس میں اس نے ایک میں کامیابی اور ایک میں اسے ناکامی کا سامنا کرنا پڑا تھا۔ گیل دو میچز میں ابھی تک بیٹنگ کا جادو چلانے میں کامیاب نہیں ہو سکے اور صرف ایک رن ہی بنا سکے۔ بنگلور کے کپتان کوہلی نے اپنے بیان میں کہا کہ امید ہے گیل 25 اپریل کو دوبارہ ٹیم جوائن کر لیں گے۔c