اسلام آباد(نیوز ڈیسک) ون ڈے کرکٹ میں واپسی،مصباح الحق کا زبردست اعلان،کہتے ہیں میری واپسی خارج از امکان ہے ،مستقبل پر نظر رکھتے ہوئے ملک کیلئے حکمت عملی بنانی چاہئے-پاکستان کے ٹیسٹ کپتان مصباح الحق نے انگلینڈ کیخلاف ٹیسٹ سیریز کے بعد نیوزی لینڈ اور آسٹریلیا کا دورہ کرنے کا عندیہ دیتے ہوئے کاہے کہ اس کا انحصار ان کی فارم اور فٹنس پر ہو گا۔بی بی سی کو انٹرویو دیتے ہوئے مصباح الحق نے کہا کہ وہ پاکستان سپر لیگ کے دوران ان فٹ ہوگئے تھے تاہم اب وہ فٹ ہیں۔پاکستانی ٹیم کے نئے کوچ اور نئے چیف سلیکٹر کی تقرری کے بارے میں مصباح الحق نے کہا کہ تبدیلیوں سے فرق پڑتا ہے تاہم انھیں توقع ہے کہ یہ تبدیلیاں مثبت رہیں گی اور نئے کوچ کی فوری تقرری سے اتنا وقت مل جائیگا کہ وہ انگلینڈ کے اہم دورے کے لیے حکمت عملی تیار کر سکیں۔ ان کے خیال میں اس طرح چیف سلیکٹر کی تقرری سے انگلینڈ کے موسم اور وکٹوں سے مطابقت سلیکشن میں آسانی رہے گی۔مصباح الحق نے ون ڈے انٹرنیشنل میں اپنی ممکنہ واپسی کو خارج از امکان قرار دیتے ہوئے کہا کہ ہمیں مستقبل کو ذہن میں رکھتے ہوئے آگے کی طرف بڑھنا چاہیے کیونکہ مختصر المیعاد منصوبہ بندی کبھی بھی مستقبل کو محفوظ نہیں بنا سکتی۔