موہالی(نیوزڈیسک)ویسٹ انڈیز کے آل راؤنڈر ڈوین براوو نے ایسا ریکارڈ بنالیا جو کسی دوسرے کرکٹر کو حاصل نہیں،ویسٹ انڈیز کے آل راؤنڈر ڈوین براوو نے ٹی 20 میں 300 وکٹوں کا سنگ میل عبور کر لیا ہے۔ وہ مختصر فارمیٹ میں یہ اعزاز حاصل کرنے والے پہلے کرکٹر ہیں۔ ڈوین براوو انڈین پریمیئر لیگ میں گجرات لائنز کی نمائندگی کر رہے ہیں اور انہوں نے کنگز الیون پنجاب کے خلاف میچ میں شاندار باؤلنگ کا مظاہرہ کیا اور 22 رنز کے عوض 4 وکٹیں حاصل کیں۔ اس طرح ٹی 20 میں ان کی وکٹوں کی تعداد 302 ہو گئی ہے۔ سری لنکا کے لاستھ مالنگا 299 وکٹوں کے ساتھ دوسرے نمبر پر ہیں۔