بھارت(نیوز ڈیسک) بھارت کی معروف خاتون بائیکر وینو پالیوال ایک ٹریفک حادثے میں جان کی بازی ہار گئیں۔ تفصیلات کے مطابق وینو مدھیا پردیش کے ضلع ودھیشا میں ہوئے ایک ٹریفک حادثے میں جان کی بازی ہار گئیں۔ ٹریفک حادثہ گذشتہ روز پیش آیا جب وینو پالیوال اپنی ہارلے ڈیوڈسن کی موٹر بائیک پر ملک بھر کے سفر کی جانب روانہ تھیں۔
پولیس افسر راجیش تیواری نے بتایا کہ چار ڈاکٹرز پر مشتمل ایک ٹیم نے وینو کا پوسٹمارٹم کیا۔ دوسری جانب وینو کے دوست دپیش تنور کا کہنا ہے کہ گیاراپسور اسپتال میں علاج سے قبل وینو ان سے بات کر رہی تھیں لیکن اسپتال میں موجود ڈاکٹرز کی جانب سے ایک انجیکشن لگانے کے بعد سے ہی وینو کی طبیعت میں بگاڑ پیدا ہوا۔ وینو پلاول کو حال ہی میں ”لیڈی آف ہارلے 2016“ کے نام سے نوازا گیا تھا۔
وہ ایک دوسری موٹر بائیک پر سوار اپنے ایک دوست دپیش تنور کے ہمراہ جے پور سے لکھنؤ جا رہی تھیں کہ ان کی موٹر بائیک ضلع کے برگودھا تریہا ریجن میں حادثے کا شکار ہوئی۔ پولیس کے مطابق وینو کو فوری طور پر گیاراپسور اسپتال منتقل کیا گیا جہاں سے ڈاکٹرز نے وینو کو فوری ودھیشا لے جانے کی ہدایت کر دی۔ ودھیشا اسپتال منتقلی کے بعد ہی وینو کو مردہ قرار دے دیا گیا تھا۔