لاہور(نیوز ڈیسک) وقار یونس کی جانب سے یکے بعد دیگرے مختلف لوگوں پرالزامات لگائے جا رہے ہیں۔اب کی بار وقار یونس نے چیف سلیکٹر پر الزام عائد کرتے ہوئے کہا ہے کہ چیف سلیکٹر اپنی من مانیاں کرتے ہیں۔ان کا کہنا ہے کہ چیف سلیکٹر ز اپنی من مانیاں کرتے ہیں، جو اسکواڈ کراچی میں طے پاتا ہے وہ لاہور جاتے ہی تبدیل ہوجاتا ہے۔وقار یونس کی جانب سے پی سی بی کو جمع کرائی گئی رپورٹ میں درج مزید حقائق سامنے آگئے ہیں۔انھوں نے اپنی رپورٹ میں چیف سلیکٹر کا کھل کے ذکر کرتے ہوئے بتایا کہ احمد شہزاد کوایک سریز میں ڈراپ کرکے دوسری میں واپس بلانے سے منع کیا تھا لیکن اس کے باوجود احمد شہزاد کو دوبارہ موقع دیا گیا۔وقار یونس نے اپنی رپورٹ میں مزید بتایا کہ سلیکشن کمیٹی میں جن کھلاڑیوں کو چنا گیاوہ اسکواڈ لاہور میں تبدیل کردیا گیا۔