کولکتہ (نیوز ڈیسک) ویسٹ انڈیز سے شکست اور 2 مشکوک نو بالز،بھارت میں نیا ہنگامہ کھڑا ہوگیا، ویسٹ انڈیز کے ہاتھوں شکست کھانے کے بعد بھارتی میڈیا سمیت سابق کرکٹرزنے دھونی الیون کو خوب آڑے ہاتھوں لیا ہے -اچھے سکور کے بعد بھارتی ٹیم کے ہارنے پر میڈیا کھلاڑیوں پر برس پڑا ۔گھر کے ورلڈ ٹی 20 کے سیمی فائنل میں ہارنے والی بھارتی ٹیم کے زخموں پر میڈیا اور سابق کرکٹرز نے نمک پاشی شروع کر دی ۔انڈین میڈیا نے لینڈل سمنز کو کروائی گئی دو مشکوک نو بالز پر ٹیم دھونی کی خوب خبر لی میڈیا کیمطابق ان 2 نو بالز نے ہی سورماو ں کو ناکامی کا منہ دکھایا ۔دوسری جانب سابق بھارتی کرکٹرز نے بڑے میچ میں بڑا سکور کرنے کے باوجود شکست کو بڑی ہار قرار دیدیا ۔ اظہر الدین نے دھونی الیون کی بولنگ کو ناقص قرار دیا تو سابق کرکٹر چیتن شرما نے دو نو بالز پر سوال اٹھا دیا سابق کرکٹر مدہن لعل نے سارا ملبہ قسمت پر ڈال دیا ۔بھارتی میڈیا اور سابق بھارتی کرکٹروں کی جانب سے ابھی تک ٹیم کا پوسٹ مارٹم کئی گھنٹے جاری رہا –