لاہور(نیوز ڈیسک) پاکستان کرکٹ بورڈ کی ایگزیکٹیو کمیٹی کے چیئرمین نجم سیٹھی نے واضح کیا ہے کہ ہیڈ کوچ وقار یونس بدھ کو ان سے نہیں بلکہ چیئرمین شہریارخان سے ملاقات کیلئے پی سی بی ہیڈ کواٹرز آئے تھے۔ایک انٹرویو میں نجم سیٹھی نے کہاکہ اخبار میں شائع ایک خبر سے یہ غلط تاثر ملا کہ انہوں نے سابق فاسٹ باو ¿لر سے ملاقات سے انکار کیا۔ نجم سیٹھی کے مطابق وقار دو دن قبل ان سے ملنے دفتر آئے تھے تاہم وہ پی سی بی چیئرمین سے ملاقات کیلئے آئے ناکہ ان سے ملنے نہیں۔وقار یونس نے اپنی رپورٹ میں لکھا کہ میں جنوری2016 میں ان سے نہیں ملا ¾ یہ سچ ہے کیونکہ میں پاکستان سپر لیگ میں مصروف تھا۔میں نے پی سی بی مینیجنگ کمیٹی کے کچھ ارکان کے تحفظات کے باوجود وقار کی تقرری کی اور پھر بعد میں بطور کوچ ان کی پرفارمنس پر تنقید سہی۔ ایسے میں وقار مجھ پر نظر انداز کیے جانے کا الزام کیسے لگا سکتے ہیں؟نجم سیٹھی نے کہاکہ وہ حیران ہیں کہ ایک طرف وقار اپنی رپورٹ افشا ہونے پر خوش نہیں تاہم دوسری جانب ٹی وی پر اس کے مندرجات بھی خود ہی پڑھ کر سنا رہے ہیں۔