کراچی(نیوز ڈیسک ) کر کٹ بورڈ پی سی بی نے ہیڈ کو چ وقا ر یو نس کے معا ہدے میں تو سیع نہ کر نے اور آفریدی کو کپتانی سے ہٹا نے کا حتمی فیصلہ کر لیا ہےمقا می میڈیا کے مطا بق انکوائر ی رپورٹ پی سی بی کو جمع کر وا دی گئی ہے جس میں محس ن خان بطور چیف سلیکٹر اور عا قب جا وید کو کو چنگ کیلئے نا مزد کیا گیا ہے پی سی بی کو دی گئی انکوئر ی رپورٹ میں ہیڈ کو چ و قا ر کی مدت ملا زمت میں تو سیع نہ کر نے کی سفا رش کی گئی ہے ۔ محسن حسن خان کو چیف سلیکٹر مقرر کرنے پر اتفاق ہو گیا، کوچنگ سنبھالنے کیلیے عاقب جاوید فیورٹ ہیں جب کہ وقار یونس کو 3 ماہ کی تنخواہ دے کر فارغ کر دیا جائے گا۔
تفصیلات کے مطابق تحقیقاتی کمیٹی کی سفارشات سے قبل ہی کرکٹ بورڈ حکام نے بعض بڑے فیصلوں کیلیے ذہن بنا لیا تھا تاہم ان کا اعلان اب کیا جائے گا، ذرائع نے بتایا کہ جمعے کو چیئرمین شہریارخان لاہور میں پریس کانفرنس کے دوران کوچ، کپتان اور سلیکشن کمیٹی کی چھٹی کا اعلان کریں گے۔
نئے چیف سلیکٹر کیلیے سابق ٹیسٹ بیٹسمین محسن حسن خان کی تقرری پر اتفاق ہو گیا، وہ ماضی میں بھی اس حیثیت سے کام کرچکے ہیں، نئی ذمہ داری کے حوالے سے ان کی شہریارخان سے بات چیت ہو چکی، وقار یونس کو قبل از وقت فارغ کرتے ہوئے 3 ماہ کی ایڈوانس تنخواہ دی جائے گی، یہ رقم مجموعی طور پر تقریباً50 لاکھ روپے بنتی ہے، نئے کوچ کیلیے سابق ٹیسٹ پیسر عاقب جاوید فیورٹ ہیں۔
وہ ان دنوں یو اے ای کی ٹیم کے ساتھ منسلک مگر اس کی کارکردگی میں نکھار نہیں لا سکے، ماضی میں وہ پاکستان کے بولنگ کوچ رہ چکے ہیں، چیف کوچ بننے کا پہلا موقع ہو گا۔ شاہد آفریدی کی جگہ ٹوئنٹی 20میں قیادت کے فرائض سرفراز احمد انجام دیں گے۔