ممبئی ( نیوز دیسک) بھارتی ٹیم کے مایہ ناز آل راونڈر یووراج سنگھ کی فٹنس مسائل کے باعث رواں ورلڈ ٹی ٹونٹی کپ میں ویسٹ انڈیز کے خلاف شیڈول سیمی فائنل میں شرکت مشکوک ہو گئی، ان کی جگہ منیش پانڈے کو ٹیم میں شامل کئے جانے کا امکان ہے۔ بھارت اور ویسٹ انڈیز کے درمیان سیمی فائنل کل جمعرات کو کھیلا جائے گا۔یووراج سنگھ آسٹریلیا کے خلاف کھیلے گئے آخری گروپ میچ کے دوران ٹخنے کی انجری کا شکار ہوئے تھے اور رپورٹس کے مطابق وہ تاحال سو فیصد فٹ نہیں ہو سکے جس کے باعث ان کی کالی آندھی کے خلاف سیمی فائنل میں شرکت غیریقینی صورت حال کا شکار ہے۔ ان کی عدم دستیابی کی صورت میں بھارت کے پاس راہانے اور پانڈے کا آپشن موجود ہے تاہم پانڈے کے چانس زیادہ لگ رہے ہیں۔