لاہور(نیوز ڈیسک)ہیڈ کوچ وقار یونس کی قومی ٹیم کی ورلڈ ٹی 20 میں شکست پر معافی مانگنے کے بیان پر قومی ٹیم کے سابق کپتان عامر سہیل نے کہاہے کہ کھلاڑیوں کی ٹیکنیک بہتر بنانا وقار یونس کی ذمہ داری تھی لیکن انہوں نے کیا کام کیا؟ وہ اپنے مقصد میں ناکام رہے ہیں۔ایک انٹرویو میں شہریار خان اور نجم سیٹھی مستعفی ہی نہیں ہورہے دونوں ہی ایک دوسرے کو سپورٹ کررہے ہیں۔انہوں نے دونوں حضرات سے درد مندانہ درخواست کرتے ہوئے کہا کہ 3 ورلڈ کپ ہار گئے اب آپ استعفیٰ دیکر گھر چلے جائیں ‘عامر سہیل نے کہاکہ تبدیلی کا عمل وزیر اعظم ہاوس سے شروع ہوگا وقار یونس کو سمجھ آگیا کہ کرکٹ کے ساتھ کیا ہورہا ہے۔ پی سی بی کی فیکٹ فائنڈنگ کمیٹی کے ممبرز مصباح اور یونس اس وقت بھی کرکٹ کھیل رہے ہیں دونوں کیسے اپنے ساتھیوں کی خامیاں بتائیں گے۔