موہالی (نیوزڈیسک)ورلڈ ٹی 20 کپ میں قومی کرکٹ ٹیم گروپ کے آخری میچ جمعہ کو آسٹریلیا کے خلاف آئی ایس بندرا سٹیڈیم، موہالی میںپنجہ آزمائی کریگی ¾پاکستان کو سیمی فائنل میں پہنچنے کی اپنی امیدیں برقرار رکھنے کے لئے بڑے مارجن سے جیت کی اشد ضرورت ہے۔میچ ڈے اینڈ نائٹ ہوگا اور پاکستانی وقت کے مطابق دوپہر اڑھائی بجے شروع ہوگا جیتنے کی صورت میں پاکستانی ٹیم سیمی کی دوڑ میں شامل ہونے کا امکان ہے تاہم شکست کی صورت میں قومی ٹیم ورلڈ ٹی 20 سے باہر ہو جائے گی۔ واضح رہے کہ پاکستانی ٹیم ورلڈ ٹی ٹوئنٹی میں پہلا میچ بنگلہ دیش کے خلاف جیتا تھا جس کے بعد پاکستانی ٹیم کو رویتی حریف بھارت اور نیوزی لینڈ نے شکست دی تھی ۔ادھر دوسرے میچ میں گروپ ون کی ٹیمیں جنوبی افریقہ اور ویسٹ انڈیز ناگپور میں مدمقابل ہوں گی۔ واضح رہے کہ میگا ایونٹ کا پہلا سیمی فائنل 30 مارچ کو فیروز شاہ کوٹلہ، نئی دہلی میں کھیلا جائیگا۔ دوسرا سیمی فائنل میچ 31 مارچ کو واینکھیڈے سٹیڈیم، ممبئی میں کھیلا جائیگا جبکہ فائنل میچ 3 اپریل کو ایڈن گارڈن، کولکتہ میں کھیلا جائیگا،معروف کرکٹ ویب سائٹ کے مطابق پاکستان کی کرکٹ ٹیم کی جانب سے میدان میں اترنے والے متوقع گیارہ کھلاڑی مندرجہ ذیل ہونگے۔ شرجیل خان، احمد شہزاد، خالد لطیف،عمر اکمل، شعیب ملک، سرفراز احمد، شاہد آفریدی،عماد وسیم، وہاب ریاض،محمد سمیع، محمد عامر۔