ناگپور (نیوز ڈیسک) افغانستا ن کے وکٹ کیپر بلے باز محمد شہزاد کے انوکھے کام نے کوچ انضمام الحق کو ٹیم کے سامنے شرمندگی اٹھانے پر مجبور کر دیا۔آئی سی سی ورلڈ ٹی ٹونٹی کے دوسرے میچ میں جب محمد شہزاد 13اوور میں 61رنز سکور کرکے واپس پوویلین پہنچے تو کھلاڑیوں کے ساتھ ساتھ انضمام بھی نوجوان کرکٹر کی حوصلہ افزائی کے لیے اٹھے اور اپنا ہاتھ ہوا میں بلند کر ’’ہائی فائیو‘‘ کرنے کی کوشش کی لیکن انہیں اس وقت شدید خفت کا سامنا کرنا پڑا جب شہزاد انہیں نظر انداز کرتے ہوئے سامنے سے گزر گئے جس کے بعد انہوں نے بھی شرمندگی چھپانے کے لیے ایسا ظاہر کیا کہ جیتے وہ میچ کا صحیح نظارہ لینے کے لیے ہی اٹھے تھے۔