نئی دہلی (نیوز ڈیسک)ٹی ٹوئنٹی ورلڈکپ میں سب سے زیادہ پاکستانی نژاد کرکٹرز شرکت کر رہے ہیں۔ تفصیلات کے مطابق ٹی ٹوئنٹی ورلڈکپ کا آغاز بھارت میں ہو چکا ہے۔ اس دوران ایک انتہائی دلچسپ بات سامنے آئی ہے۔ ایک رپورٹ کے مطابق ٹورنامنٹ میں سب سے زیادہ پاکستان سے تعلق رکھنے والے کرکٹر شرکت کر رہے ہیں۔ٹورنامنٹ میں پاکستانی کرکٹ ٹیم کے 16 کھلاڑیوں کے علاوہ دیگر 8 ٹیموں میں جنوبی افریقی کے عمران طاہر، آسٹریلیا کے عثمان خواجہ، انگلینڈ کے معین علی اور عادل رشید، ہالینڈ کے احسن ملک اور مدثر بخاری، زمبابوے کے سکندر رضا، ہانگ کانگ کے اعزاز خان، تنویر افضل، اسکاٹ لینڈ کے سفیان شریف اور اومان کے زیادہ تر کھلاڑیوں کا تعلق پاکستان سے ہے۔ ۔