ڈھاکہ (نیوز ڈیسک)قومی ٹیم کے نئے بولنگ کوچ اظہر محمود بھی ایشیا کپ میں ٹیم کی بدترین شکست کو دیکھ کر شکستہ دل ہونے لگے،کہتے ہیں کہ انٹرنیشنل سطح پر کھلاڑیوں کو خود ذمہ داری لینا ہوتی ہے اور یہ ان کے پاس بھی کوئی جادو کی چھڑی نہیں کہ ایک دم سب ٹھیک ہو جائے۔ڈھاکا میں نجی ٹی وی سے گفتگو کرتے ہوئے کہا کہ اس سٹیج پر بنیادی چیزیں نہیں سمجھائی جا سکتیں۔ بیٹسمین کو خود ذمہ داری لینا ہو گی۔ ان کا مزید کہنا تھا کہ قومی بلے بازوں میں ہار کا خوف اور اعتماد کی کمی ہے۔انہوں نے مزید کہا ہے کہ میں کوئی جادو گر نہیں جو راتوں رات نو بال کا مسئلہ ختم کر سکوں ۔ ٹی 20میں کھلاڑیوں کو کچھ وقت دینے کی ضرورت ہوتی ہے اگر ہم اپنا اخری میچ جیت جائیں اور اس کے بعد ورلڈ ٹی 20میں دو کامیابیاں حاصل کر لیں تو صورت حال یکسر تبدیل ہو جائے گی ۔ ٹی ٹونٹی ورلڈکپ کے لیے تبدیلی کے حق میں نہیں انہی کھلاڑیوں کو تھوڑا وقت دینا چاہیے ایک آدھ جیت سے ٹیم ردھم میں آ جائے گی۔ ایشیا کپ میں بدترین شکست اور پھر ٹیم کے ممکنہ پوسٹ مارٹم سے پہلے نئے بولنگ کوچ اپنی صفائی دے کہ ان کے پاس کوئی جادو کی چھڑی نہیں کہ سب راتوں رات ٹھیک کر دیں۔