اسلام آباد (نیوزڈیسک)ٹی ٹوئنٹی ورلڈ کپ ،چوہدری نثار نے پاکستانی ٹیم کے دورے پر نئی پابندی عائد کردی،وفاقی وزیر داخلہ چوہدری نثار علی خان نے ٹی ٹوئنٹی ورلڈ کپ کے دوران پاکستانی کرکٹ ٹیم کے ممکنہ دورہ بھارت میں سیکیورٹی خدشات پر سخت تشویش کا اظہارکرتے ہوئے کہا ہے کہ پاکستانی کرکٹ ٹیم کو فول پروف سیکیورٹی کی گارنٹی ملنے کے بعد ہی دورہ بھارت کی اجازت دی جا سکتی ہے۔ایک بیان میں وزیر داخلہ چوہدری نثار علی خان نے ٹی ٹوئنٹی ورلڈ کپ کے دوران پاکستانی کرکٹ ٹیم کے ممکنہ دورہ بھارت میں سیکیورٹی خدشات پر سخت تشویش کا اظہارکرتے ہوئے واضح کیا کہ قومی کرکٹ ٹیم کو فول پروف سیکیورٹی کی گارنٹی ملنے کے بعد ہی دورہ بھارت کی اجازت دی جا سکتی ہے۔ وزیر داخلہ نے کہاکہ فول پروف سیکیورٹی کی گارنٹی صرف بھارتی حکومت کی ہی نہیں بلکہ آئی سی سی کی بھی ذمہ داری ہے ۔چوہدری نثار علی خان نے کہاکہ متوقع دورے کے سلسلے میں پی سی بی چیئرمین سے مشاورت کے بعد رپورٹ وزیرِاعظم کو پیش کی جائے گی۔