لاہور(نیوز ڈیسک) ٹونٹی ٹونٹی انٹرنیشنل کرکٹ میں قومی ٹیم کی مسلسل ناقص کارکردگی سے پاکستان کرکٹ بورڈ پر شاہدآفریدی کو قیادت سے برطرف کرنے کا دباﺅبڑھ گیا، ایشیاءکپ میں کارکردگی بہتر نہ بنانے کی صورت میں شاہد آفریدی ٹی ٹونٹی ورلڈ کپ میں ٹیم کی قیادت سے محروم ہو سکتے ہیں ، پی سی بی تھنک ٹینک نے ورلڈ ٹی ٹونٹی میں متبادل قیادت کے لئے سرفرازاحمداور شعیب ملک کے ناموں پرغور شروع کردیا۔ ذرائع کے مطابق ٹونٹی ٹونٹی انٹرنیشنل کرکٹ میں قومی ٹیم کی مسلسل ناقص کارکردگی سے پی سی بی شاہدآفریدی کو قیادت سے برطرف کرنے کا دباوبڑھ گیاہے۔میڈیا لابیز کے علاوہ بااثر شخصیات بھی بورڈ کا قیادت میں تبدیلی کا مشورہ دے رہی ہیں ۔ پی سی بی ذرائع کے مطابق ایشیاءکپ کے اگلے میچز میں قومی ٹیم کارکردگی میں بہتری نہ آئی تو ورلڈ ٹی ٹونٹی کے لئے بوم بوم آفریدی کپتان برقرار نہیں رہ سکیں گے۔شاہد آفریدی کی قیادت میں پاکستان نے چھتیس ٹی ٹونٹی میچزکھیلے۔سولہ جیتے اور انیس میں اسے شکست ہوئی۔اکتوبر 2014ءمیں محمد حفیظ کا جانشین مقرر ہونے کے بعد سترہ میچز میں قومی ٹیم نے آٹھ فتوحات اوراتنی ہی ناکامیوں کاسامنا کیا۔آٹھ میں سے چارکامیابیاں زمبابوے کیخلاف تھیں۔ بھارت کے خلاف ایشیاءکپ میچ میں کپتان کے غلط فیصلوں پربھی سخت تنقید کی جارہی ہے۔اہم میچ کی وکٹ کو نہ سمجھنے پر بھی سوشل میڈیا میں آفریدی کوآڑے ہاتھوں لیاجارہاہے۔ذرائع کے مطابق پی سی بی تھنک ٹینک نےورلڈٹی ٹونٹی میں متبادل قیادت کیلئے سرفراز احمد اورشعیب ملک کے ناموں پر غور شروع کردیاہے۔شعیب ملک کی زیرقیادت پاکستان نے 17ٹی ٹونٹی میچز میں بارہ جیتے اورچار ہارے ہیں۔