اسلام آباد (نیوز ڈیسک) قومی کرکٹ ٹیم کے کپتان شاہد خان آفریدی نے کہا ہے کہ بھارت سے ہارنا بڑا دھچکا نہیں،آئندہ میچز میں اچھی کارکردگی دکھائیں گے جبکہ بھارتی کپتان ایم ایس دھونی نے کہا کہ محمد عامر نے چھوٹا ہدف بھی مشکل بنا دیا تھا،بھارت کی ٹیم جارحانہ کھیل پسند کرتی ہے۔میچ کے بعد گفتگو کرتے ہوئے شاہد آفریدی نے کہا کہ بلے باز جلد بازی میں آؤٹ ہوگئے اور بڑا سکور بورڈ پر نہیں لگا سکے۔اگلے میچ میں پرفارمنس بہتر کریں گے۔اگلے میچز میں بلے بازوں کو ذمہ داری کا مظاہرہ کرنا ہوگا۔بھارتی کپتان نے کہا کہ وکٹ باؤلروں کیلئے سازگار تھی،ویرات کوہلی نے اچھی بلے بازی کی،بھارت کی ٹیم نے جارحانہ کھیل پیش کیا۔