اسلام آباد (نیوز ڈیسک)سوئنگ کے سلطان وسیم اکرم نے کہا ہے کہ پاک بھارت میچ میں بہت پریشر ہوتا ہے جو ٹیم پریشر برداشت کرے گی وہ جیت جائے گی ، پاکستان کو امارات کے علاوہ بھی جا کر کھیلنا ہوگا اگر صرف امارات میں ہی کھیلے گی تو اس کی تکنیک کیسے ٹھیک ہوگی ۔ پاک بھارت میچ کے حوالے سے اپنے ایک بیان میں وسیم اکرم نے کہا کہ آج کا میچ بہتر پریشر والا ہوگا جو ٹیم پریشر لے جائے گی وہ کامیاب ہوجائے گی پاکستان کا باؤلنگ اٹیک بہترین ہے محمد سمیع مکمل طور پر فٹ اور بھرپور فارم میں ہیں ۔ انہوں نے کہا کہ پاکستان سپر لیگ سے پاکستانی کھلاڑیوں کو بہت فائدہ ہوگا امید ہے کھلاڑی اس سے بہت فائدہ ہوگا ۔ وسیم اکرم نے کہا کہ پاکستان کو اپنی تکنیک مزید بہتر کرنے کیلئے امارات کے علاوہ بھی گراؤنڈز میں جا کر کھیلنا ہوگا صرف امارات میں کھیلنے سے تکنیک بہتر نہیں ہوگی ۔ جبکہ سابق کپتان محمد یوسف نے کہا کہ پاک بھارت میچ میں پاکستان کی باؤلنگ اٹیک مضبوط ہے سینئر کھلاڑیوں کو ذمہ داری کا مظاہرہ کرنا ہوگا ابتدائی بیٹنگ کلک کرگئی تو باؤلرز میچ اپنے حق میں لانے کی بھرپور صلاحیت رکھتے ہیں شائقین کو شاہد آفریدی سے بھی بہت سی امیدیں وابستہ ہیں ۔