ممبئی(انٹرنیشنل ڈیسک) معروف کرکٹ کمنٹیٹر آکاش چوپڑا کے ایک ٹویٹ نے سوشل میڈیا پر ہنگامہ کھڑا کر دیا۔ آکاش چوپڑا نے ٹویٹ کیا کہ عمان، متحدہ عرب امارات، ہانگ کانگ، پاکستان اور افغانستان میں کیا مشترک ہے؟ ان سب ٹیموں میں باؤلنگ شروع کرنے والے فاسٹ باؤلر پاکستانی ہے۔ آکاش چوپڑا کے اس ٹویٹ کے بعد انٹرنیٹ پر ہنگامہ کھڑا ہو گیا۔ افغانستان سے تعلق رکھنے والے سوشل میڈیا شائقین نے آکاش چوپڑا سے مطالبہ کیا کہ وہ اس ٹویٹ پر معافی مانگیں اور اپنا ریکارڈ درست کریں۔افغانستان کی ٹیم میں شامل کوئی کھلاڑی پاکستان نہیں۔ آکاش چوپڑا نے ابھی تک اس ٹویٹ پر کسی بھی شائق کو کوئی جواب نہیں دیا۔