اسلام آباد (نیوز ڈیسک)پی ایس ایل کے آغاز سے ہی انتہائی بری کارکردگی دکھانے والی ٹیم کے بارے میں کون نہیں جانتا ہوگا ، اسلام آباد یونائیٹڈ کیلئے پی ایس ایل کچھ خاص خوشیاں نہ لائی اور اس کو بڑ ا جھٹکا اس وقت لگ گیا جب اس کے مایہ ناز اور ان فارم آل راونڈر شین واٹسن ان فٹ ہو کر لیگ سے باہر ہوگئے۔
ایک ٹی وی چینل کے مطابق شین واٹن کو پیٹ میں تکلیف ہوئی تھی۔ انہوں نے اس پر قابو پانے کی بہت کوشش کی لیکن کامیاب نہ ہوسکے۔ وہ آج رات شارجہ سے آسٹریلیا کیلئے روانہ ہو جائیں گے۔ ٹیم مینجمنٹ کے ذرائع کا کہنا ہے کہ ان کے متبادل کے طور پر اظہر محمود یا یاسر عرفات میں سے کسی ایک کو اسلام آباد کی ٹیم میں شامل کیا جا سکتا ہے۔ یہ دونوں کھلاڑی اس وقت دبئی میں ماسٹرز چیمپئن لیگ کھیل رہے ہیں جس کا فائنل آج ہوگا۔اب دیکھنا یہ ہے کہ اسلام آباد یونائیٹڈ اپنی ساکھ کو بہتر بنا پاتی ہے یا نہیں ۔