اسلام آباد (نیوز ڈیسک)قومی کرکٹ ٹیم کے سابق آل راؤنڈر اور پاکستان سپر لیگ میں لاہور قلندر کی ٹیم میں شامل عبدالرزاق نے کہا ہے کہ قلندر کے کوچ نے کہا ہے کہ ہم فی الحال ٹیم کا کامبینیشن تبدیل نہیں کرنا چاہتے اس لئے آپ کو ٹیم میں شامل نہیں کیا جاسکتا۔نجی ٹی وی سے گفتگو کرتے ہوئے عبدالرزاق کا کہنا تھا کہ فرنچائز مالک سے بھی بات ہوئی ہے انہوں نے بھی یہی کہا ہے کہ ہمیں فی الحال آپ کی ضرورت نہیں ہے اور ٹیم کے کوچ کا بھی یہی کہنا ہے کہ عبدالرزاق کو ٹیم میں شامل کرکے ٹیم کا بنا ہوا کامبینیشن تبدیل نہیں کرسکتے۔عبدالرزاق کا کہنا تھا کہ پاکستان واپس آرہا ہوں کیونکہ جب ٹیم میں جگہ نہیں ہے تو باہر ڈریسنگ روم میں بیٹھ کر انتظار نہیں کرسکتا۔
Back to Conversion Tool