اسلام آباد(نیوز ڈیسک)بھارتی کرکٹرعرفان پٹھان نے زندگی کی دوسری اننگز کا آغاز کر دیا۔سعودی عرب میں مقیم بھارتی نژاد لڑکی سے شادی کرلی۔بھارتی کرکٹ ٹیم کے فاسٹ بالر عرفان پٹھان نے جدہ کے علاقے عزیزیہ میں رہنے والی بھارتی نژاد لڑکی صفا بیگ سے شادی کر لی،ان کا نکاح حرم شریف میں ہوا۔بھارتی اخبارکے مطابق اکیس سال کی صفا بیگ جدہ کی ایک فرم میں ملازمت کرتی ہیں،ان کی عرفان سے پہلی ملاقات دبئی میں دو سال پہلے ہوئی تھی۔تین ماہ پہلے ان دونوں کی منگنی ہوئی اور اب شادی ہو گئی ،عرفان پٹھان کی اہلیہ صفا بیگ ماڈلنگ کے شعبے سے بھی وابستہ رہ چکی ہیں۔عرفان پٹھان اگلے ماہ ایکشن میں نظر آئیں گے ،انہیں 2016 کے ٹی ٹوئنٹی میں بھارتی اسکواڈ میں شامل کر لیا گیا ہے۔