دھاکا (نیوز ڈیسک)بنگلادیشی کرکٹ ٹیم کے اسٹار نوجوان فاسٹ بالر مستفیض الرحمان کندھے کی انجری کے سبب پاکستان سپر لیگ میں شرکت نہیں کرسکیں گے ۔ واضح رہے کہ مستفیض الرحمن کو زمبابوبے خلاف ہوم ٹی 20 سیریز کے دوسرے میچ کے دوران کندھے پر چوٹ لگ گئی تھی جب کہ وہ تاحال فٹ نہیں ہوئے ہیں جس کی وجہ سے ایونٹ میں شرکت نہیں کرپائیں گے ۔ انجری سے چند روز قبل بھی بنگلادیشی بورٹ نے مستفیض الرحمن کو پی ایس ایل میں شرکت کی اجازت نہ دینے کا عندیہ دیتے ہوئے کہا تھا کہ اہم ایونٹس کیلئے فاسٹ بالر کو انجری سے بچانا چاہتے ہیں ۔ بنگلادیشی بورڈ کی میڈیا کمیٹی کے چیئرمین جلال یونس نے فاسٹ بالر کی رواں ماہ تاریخ چوبیس سے شروع ہونیوالے ایشیا کپ سے پہلے صحت یابی کی امید ظاہر کی ہے ۔ انہوں نے مزید کہا کہ نوجوان فاسٹ بالر کو مکمل فٹ اور ردہم میں آنے کیلئے 2 ہفتے درکار ہوں گے اور ہماری خواہش ہے کہ وہ اہم ایونٹس سے قبل فٹ ہوجائیں ۔دوسری جانب میڈیا رپورٹس میں یہ دعویٰ کیاگیا ہے کہ بنگلادیشی بورڈ نے پی ایس ایل میں شرکت کے حوالے سے فاسٹ بالر کو این او سی جاری کرنے سے بھی انکار کردیا ہے ۔واضح رہے کہ چار فروری سے شروع ہونیوالی پاکستان سپر لیگ میں لاہور قلندر ز نے ہزار 50 ڈالر ز کے عوض مستفیض الرحمن کی خدمات حاصل کی تھیں ۔