ویلنگٹن(نیوزڈیسک)پاکستان اور نیوزی لینڈ کے درمیان کھیلے گئے پہلے ون ڈے میچ میں انور علی نے باؤنسر مار کر کیوی بلے باز مچل میکلینگھن کو شدید زخمی کر دیا۔ 28 سالہ آل راؤنڈر نے نیوزی لینڈ کی اننگز کے آخری کی 5ویں گیند باؤنسر کروائی جسے میکلینگھن نے پل شاٹ کے ذریعے باؤنڈری پار پہنچانے کی کوشش کی تاہم وہ گیند مس کر گئے اور بال ان کے ہیلمٹ کے اوپری حصے اور گرل کے درمیان سے نکل کر ان کی آنکھ کے بالکل قریب جا لگی جس کے باعث وہ نیچے گر پڑے۔کیوی میڈیکل ڈاکٹرز نے انہیں گراؤنڈ پر ابتدائی طلبی امداد دی جس کے بعد وہ اپنے قدموں پر چل کر میدان سے باہر گئے تاہم کیمرے میں ان کی آنکھ کے اوپر لگا کٹ واضح طور پر نظر آ رہا تھا۔