میلبورن(نیوزڈیسک)ویسٹ انڈیز کے جارح مزاج بلے باز کرس گیل نے تیز ٹی ٹونٹی مقابلوں میں ترین نصف سینچری بنا کر بھارتی بلے باز یوراج سنگھ کا ریکارڈ برابر کر دیا ہے۔ آسٹریلیا کے بگ بیش لیگ ٹورنامنٹ میں میلبورن رینیگیڈز کی نمائندگی کرنے والے کرس گیل نے اپنی تیز ترین نصف سینچری مکمل کی۔ یاد رہے کہ کرس گیل ٹی ٹونٹی کرکٹ میں تیز ترین سینچری بنانے والے بلے باز بھی ہیں۔ انہوں نے 2013ءکے آئی پی ایل سیزن میں رائل چیلنجز بنگلور کی جانب سے پونے واریئر کے خلاف 30 گیندوں پر یادگار سینچری بنائی تھی۔ یاد رہے کہ بھارتی بلے باز یوراج سنگھ تیز ترین نصف سینچری بنانے کا ریکارڈ 2007ء میں بنایا تھا۔ انہوں نے ٹی ٹونٹی ورلڈ کپ میں ڈربن کے مقام پر انگلینڈ کیخلاف یہ تیز ترین نصف سینچری بنائی تھی۔