لاہور(نیوزڈیسک) پاکستان کرکٹ بورڈ کی ایگزیکٹیو کمیٹی کے چیئرمین نجم سیٹھی نے پاکستان اور بھارت کے درمیان کرکٹ سیریز کی بحالی پر خدشات ظاہر کرتے ہوئے کہا کہ جب تک بی سی سی آئی اپنے وعدے کو پورا نہیں کرتا پاکستان ٹیم بھی2017 میں بھارت کا دورہ نہیں کرے گی۔کرکٹ ویب سائٹ کو انٹرویو دیتے ہوئے نجم سیٹھی نے کہا کہ ہمارے بھارت دورے سے قبل بی سی سی آئی پہلے اپنے وعدے پورا کرے۔بی سی سی آئی نے ہمیں چار سیریز کی میزبانی دینے کا معاہدہ کیا تھا اور پہلی سیریز کی میزبانی بھی ہمیں دی تھی جو انہیںہمارے دورے سے قبل پورا کرنا ہوگا۔نجم نے کہا کہ 2009ءمیں انہوں نے ہمارے ساتھ دھوکا کیا تھا کیونکہ جب ہماری ٹیم نے بھارت کا مختصر دورہ کیا تو آمدنی میں ہمارا حصہ نہیں دیا گیا۔انہوں نے کہا کہ وہ یہ سمجھنے سے قاصر ہیں کہ کیوں بی سی سی رواں سال نہیں کھیل سکتا اگر دونوں حکومتیں کھیلنے کی اجازت دیں تو 15 دن میں سیریز کا انعقاد کوئی مشکل کام نہیں۔