لاہور ( نیوزڈیسک) لاہور ہائیکورٹ نے کرکٹر محمد عامر کی قومی ٹیم میں شمولیت کے خلاف انٹر کورٹ اپیل مسترد کردی ۔لاہور ہائیکورٹ میں جسٹس پارٹی کے منصف اعوان کی جانب سے دائر اپیل میں محمد عامر کی قومی کرکٹ ٹیم میں شمولیت کو چیلنج کیا گیا تھا ۔جسٹس عائشہ اے ملک اور جسٹس فیصل زمان خان پر مشتمل بنچ نے اپیل پر سماعت کی۔درخواست میں موقف اختیار کیا گیا کہ محمد عامر سزا یافتہ ہیں، ان کے فعل سے قومی وقار کو ٹھیس پہنچی ،ٹیم میں ان کی جگہ نہیں بنتی۔بنچ نے محمد عامر کی کرکٹ ٹیم میں شمولیت کو آئینی قرار دیتے ہوئے اپیل مسترد کر دی۔