اسلام آباد(مانیٹرنگ ڈیسک) سزا یافتہ فاسٹ باﺅلر محمد عامر کو ویزہ دینے کیلئے دبئی میں نیوزی لینڈ کے سفارتخانے نے پاکستان کرکٹ بورڈ (پی سی بی) سے اہم تفصیلات طلب کر لی نجی ٹی وی کے مطابق پی سی بی قومی ٹیم کے دورہ نیوزی لینڈ کیلئے محمد عامر کو ویزہ دلوانے کیلئے سرتوڑ کوششیں کر رہا ہے اور اس سلسلے میں دبئی میں نیوزی لینڈ کے سفارتخانے نے محمد عامر سے متعلق اہم تفصیلات طلب کی ہیں۔ذرائع کا کہنا ہے کہ نیوزی لینڈ کے سفارتخانے نے سپاٹ فکسنگ کیس اور آئی سی سی کے فیصلے کی تفصیلات کیساتھ ساتھ برطانوی عدالت کے فیصلے کی کاپی، محمد عامر کی جائیداد، بینک اکاﺅنٹ اور جیل کا ریکارڈ بھی طلب کیا ہے۔