لاہور(نیوزڈیسک)دورہ نیوزی لینڈ کے لیے قومی اسکواڈ کا اعلان کل جمعرات تک متوقع ہے، فاسٹ بالرعمرگل، جنید خان اورعماد وسیم کی ٹیم میں واپسی کاامکان ہے ، محمد عامرکی شمولیت ویزے سے مشروط ہے۔نیوزی لینڈ کے خلاف تین ٹی ٹونٹی اورتین ون ڈے میچزکی سیریزکے لیے سلیکٹرزنے کھلاڑیوں کے ناموں پرمشاورت شروع کردی اورٹیم کا اعلان جمعرات کوکئے جانے کا امکان ہے۔ذرائع کے مطابق انگلینڈ کے خلاف سیریزکے لیے اسکواڈ میں شامل سہیل تنویر، عامریامین، عمران خان جونئیر، رفعت اللہ مہمند اوربلال آصف کوڈراپ جبکہ فاسٹ بالرعمرگل، جنید خان اورآل راونڈرعماد وسیم کی ٹیم میں واپسی کا امکان ہے ۔ مڈل آرڈر بلے باز صہیب مقصود اوربابراعظم کے درمیان ٹائی ہے۔ اسپاٹ فکسنگ میں سزایافتہ محمد عامرکی ٹیم میں شمولیت نیوزی لینڈ کے ویزے سے مشروط ہے۔