لاہور(نیوزڈیسک)محمدعامر کاتنازعہ، پی سی بی نے انوکھا حل ڈھونڈ نکالا، پاکستان کرکٹ بورڈ (پی سی بی) کے چیئرمین شہریار خان نے شعیب ملک کو سپاٹ فکسنگ میں سزا یافتہ محمد عامر کو سدھارنے کا ٹاسک دے دیا ہے جس سے کرکٹ حلقوں میں نئی بحث چھڑ گئی ہے،اب دیکھنا یہ ہے کہ شعیب ملک محمد عامر کو کیسے ”سدھارتے “ہیں اور اگر محمد عامر سدھر بھی گئے تو ان کو محمد حفیظ اظہر علی ،عمر اکمل اور مصباح الحق جیسے سینئر کھلاڑی دل سے قبول کرنے کو تیار ہوتے بھی ہیں یا نہیں،پاکستان کرکٹ ٹیم عرصے سے تنزلی کی جانب گامزن ہے اور محمد عامر کی ٹیم میں شمولیت کے بعد ٹیم کے اندرونی اختلافات کی وجہ سے ٹیم کے مزید تنزلی کے خدشات بڑھتے جارہے ہیں، کرکٹ مبصرین کاخیال ہے کہ ٹی ٹوئنٹی ورلڈ کپ سر پر آپہنچا ہے ایسے میں پی سی بی کو نئے تجربات سے گریز کرتے ہوئے فوری طورپر ٹیم میں اختلافات کاخاتمہ کرکے ورلڈ کپ پر توجہ مرکوز کرنی چاہئے۔۔