لاہور(نیوزڈیسک)پاکستان کرکٹ بورڈ نے تمام کھلاڑیوں سے محمد عامر کی ٹیم میں شرکت پر ممکنہ بغاوت سے نمٹنے کیلئے خفیہ معاہدے پر دستخط کرالئے ہیں۔ایک نجی ٹی وی چینل کے مطابق پاکستان کرکٹ بورڈ نے اسپاٹ فکسنگ کیس میں سزا یافتہ محمد عامر کی ٹیم میں واپسی پر کھلاڑیوں کی ممکنہ بغاوت کو روکنے کا حل ڈھونڈ لیا ہے۔کرکٹ بورڈ کی جانب سے تمام کھلاڑیوں سے ایک معاہدے پر دستخط کروا ئے گئے ہیں۔ان میں محمدحفیظ اوراظہرعلی بھی شامل ہیں ۔جس کے مطابق اگر کسی بھی کھلاڑی نے محمد عامر کی وجہ سے ٹیم کا بائیکاٹ کرنے کی کوشش کی تو اسے 20 لاکھ روپے جرمانہ عائد کیا جائے گا۔ان خفیہ دستخط کرنے والوں میں محمدعامربھی شامل ہیں