کراچی (نیوز ڈیسک)یاسرشاہ کی معطلی پر سابق کپتان رمیز راجہ کہتے ہیں کہ یاسر کی پابندی پر صرف کھلاڑی کا نہیں بلکہ ملک کا بھی نقصان ہوا ہے۔ محمد یوسف نے کہا کہ یاسر سے غلطی ہو گئی ہے، ہو سکتا ہے کسی سے پوچھے بغیر دوا استعمال کر لی ہو۔سابق کپتان رمیز راجہ نے کہا کہ یاسر شاہ کی معطلی پر غیر ذمہ داری کا مظاہرہ ہوا ہے، صرف کھلاڑی کا نہیں بلکہ ملک کا بھی نقصان ہوا ہے۔ محمد یوسف کا کہنا ہے کہ اگریاسر نے پاور لینے کیلئے کوئی دوا لی ہے تومسئلہ ہوگا۔ پی سی بی کی نا اہلی ہے، یاسر شاہ کے معاملے کا ذمہ دار پی سی بی کا میڈیکل اسٹاف ہے۔