لاہور(نیوزڈیسک) مصباح الحق کو شین واٹسن کی جگہ اسلام آباد کی ٹیم کا کپتان بنانے کیلئے وسیم اکرم اور کوچ ڈین جونز کی سفارش کا انکشاف ہوا ہے۔ تفصیلات کے مطابق قومی ٹیسٹ ٹیم کے کپتان مصباح الحق کو پاکستان سپر لیگ میں اسلام آباد کی ٹیم کا کپتان نامزد کیا گیا ہے۔ میڈیا رپورٹس کے مطابق امکان ظاہر کیا جا رہا تھا کہ اسلام آباد کے آئیکون کھلاڑی شین واٹسن کو ٹیم کا کپتان بنایا جائے گا تاہم حیران کن طور پر مصباح الحق کو ٹیم کا کپتان نامزد کر دیا گیا۔ اب اس حوالے سے معلوم ہوا ہے کہ مصباح الحق کو ٹیم کا کپتان ٹیم کے کنسلٹنٹ وسیم اکرم اور کوچ ڈین جونز کی سفارش پر بنایا گیا ہے۔