لاہور(نیوز ڈیسک) مصباح الحق نے بنگلہ دیش پریمیئر لیگ میں پاکستانی کھلاڑیوں سے نا انصافی کیخلاف آئندہ لیگ میں حصہ نہ لینے کا فیصلہ کر لیا ہے۔ ذرائع کے مطابق پاکستانی قائد کو پہلے میچ میں شاندار کارکردگی دکھانے کے باوجود صرف تین میچوں میں کھلایا گیا ان کی پہلے میچ میں پرمارمنس کی بدولت رنگ پور رائیڈر میچ جیت گئی تھی۔مصباح کے قریبی ذرائع کا کہنا ہے کہ مصباح اس لیگ میں بنگلہ دیشی حکام کے رویے سے بہت دلبرداشتہ ہیں اور انہوں نے اب فیصلہ کیا ہے کہ آئندہ اس لیگ میں حصہ نہیں لینگے۔ذرائع کے مطابق ان کے علاوہ دیگر پاکستانی کھلاڑیوں کو بھی نظر انداز کیا گیا ہے اور وہ بھی سنجیدگی سے آئندہ اس لیگ میں حصہ لینے یا نہ لینے کے بارے میں سوچ رہے ہیں