لاہور (نیوزڈیسک)انگلینڈ کے خلاف ون ڈے اور ٹی ٹوئنٹی سیریزمیں شرمناک شکست پر پاکستان کرکٹ بورڈ نے ہیڈ کوچ وقار یونس سے رپورٹ طلب کرلی ہے ۔کرکٹ بورڈ کے ذرائع کے حوالے سے میڈیا رپورٹ کے مطابق اس ضمن میں ایک اہم اجلاس جمعہ کو لاہور میں طلب کیا گیا ہے جس میں ٹیم کی کارکر دگی کے بارے میں غور کیا جائیگا ذرائع کے مطابق اجلاس میں وقار یونس کے ساتھ ساتھ اسسٹنٹ کوچ مشتاق احمد اور چیف سلیکٹر ہارون رشید کو بھی بلایا گیا ہے تاکہ ان سے ٹیم کی کار کر دگی کے بارے میں وضاحت حاصل کی جاسکے ۔ذرائع کے مطابق ہارون رشید چاہتے ہیں کہ چیئر مین کے ساتھ بیٹھ کر ٹیم انتظامیہ کے بارے میں کچھ معاملات طے کئے جاسکیں ۔