دبئی (نیوزوڈیسک)انٹرنیشنل کرکٹ کونسل (آئی سی سی) نے ویسٹ انڈیز کے سپنر سنیل نارائن کا بولنگ ایکشن غیر قانونی قرار دے دیا۔ انہیں فوری طور پر بولنگ سے روک دیا گیا ہے۔ آئی سی سی کے مطابق سنیل نارائن کا بولنگ ایکشن 15 ڈگری سے زیادہ اوپر ہے۔ واضح رہے کہ نارائن کا بولنگ ایکشن رواں ماہ سری لنکا کے خلاف سیریز کے تیسرے ون ڈے میں رپورٹ ہوا تھا۔ 27 سالہ نارائن ویسٹ انڈیز کی جانب سے 6 ٹیسٹ میچوں میں 21 ، 55 ون ڈے میچوں میں 77 اور 34 ٹی 20 میچوں میں 40 وکٹیں حاصل کر چکے ہیں۔