اسلام آباد (نیوزڈیسک ) جنوبی افریقہ اوربھارت کے درمیان دوسرے ٹی 20 میچ میں جنوبی افریقہ نے بھارتی ٹیم کابھرکس نکال دیا، باﺅلرز نے بھارتی بیٹسمینوں کو ا 92 رنز پرآوٹ کردیا،یہ ٹی 20میچ میں بھارت کاکم ترین سکورہے ۔ بھارت پہلی وکٹ 28 کے مجموعی سکور پر گری جس کے بعد ”لائن“ ہی لگ گئی اور بلے باز کریز پر محض ”حاضری“ دینے ہی آئے۔ بھارت کی جانب سے روہت شرما اور سریش رائنا 22 رنز بنانے میں کامیاب ہو سکے جبکہ 4 بلے باز کوئی سکور بنائے بغیر ہی پویلین لوٹ گئے اور یوں بھارتی ٹیم ٹی 20 کرکٹ کی تاریخ میں اپنے دوسرے کم ترین سکور پر آﺅٹ ہو گئی۔ اس سے قبل بھارتی ٹیم آسٹریلیا کے خلاف کم ترین سکور 74 پر آﺅٹ ہو چکی ہے۔ جنوبی افریقہ کی جانب سے مورکل نے 3 جبکہ عمران طاہر اور موریس نے 2,2 وکٹیں حاصل کیں۔اس میچ کے بعد بھارتی ٹیم مزیدمشکلات کاشکارہوگئی ہے ۔