تہران(نیوزڈیسک)پاکستان کے شطرنج ماسٹر محمود لودھی نے ایران میں ہونے والی چھٹی ایشین سینئرز شطرنج چیمپئن شپ جیت لی ہے۔ محمود لودھی چودہ مرتبہ پاکستان کے قومی شطرنج چیمپئن رہ چکے ہیں ۔انہوں نے ایران کے شہر لارستان میں ہونے والی چھٹی ایشین سینئرز چیس چیمپئن شپ میں سات بازیاں جیتیں اور دو برابر کھیل کر چیمپئن شپ اپنے نام کرلی ۔اس فتح کے ساتھ محمود لودھی گرینڈ ماسٹر کے ٹائٹل کے لئے بھی امیدوار ہوگئے ہیں ۔ گرینڈ ماسٹر کے ٹائٹل کا فیصلہ عالمی چیس فیڈریشن بعد میں کرے گی۔