اسلام آباد (نیوز ڈیسک ) قومی کرکٹر عمر اعمل نے کہاہے کہ اپنوں کے بغیر عید گزارنا مشکل ہے ¾ پاکستان کےلئے کھیلنا اعزازکی بات ہے ۔ایک انٹرویو میں عمر اکمل نے کہاکہ اپنوں کے بغیر عید گزارنا مشکل ہے تاہم پاکستان کےلئے کھیلنا اعزاز کی بات ہے۔عمر اکمل نے کہا کہ دورہ زمبابوے کے لئے انہوں نے جم کر پریکٹس کی ہے۔مڈل آرڈر بلے باز نے اس موقع پر قربانی کے جانوروں کے ساتھ سیلفی بھی لی اور سوشل میڈیا پر اپ لوڈ کی۔ انہوںنے کہاکہ سیلفی وہ اپنے مداحوں کےلئے لیتے ہیں۔عمر اکمل نے کہا کہ قربانی کے جانوروں کے ساتھ انہوں نے خوب وقت گزارا اور عید پر ان کی یاد آئے گی۔