اسلام آباد (نیوزڈیسک ) آسٹریلوی کرکٹ ٹیم دورہ بنگلہ دیش کا آغاز 3 اکتوبر سے تین روزہ ٹور میچ سے کریگی۔ شیڈول کے مطابق آسٹریلوی ٹیم آئندہ ماہ بنگلہ دیش کا مختصر دورہ کرے گی جہاں وہ دو ٹیسٹ میچوں کی سیریز کھیلے گی۔ کرکٹ آسٹریلیا کی سلیکشن کمیٹی کی طرف سے اعلان کردہ سکواڈ میں سٹیون سمتھ (کپتان)، ایڈم ووجز (نائب کپتان)، کیمرون بینکرافٹ، جو برنز، پیٹرک کمنز، اینڈریو فیکٹ، عثمان خواجہ، نیتھن لیون، مچل مارش، شان مارش، گلین میکسویل، پیٹر نیول، سٹیفن اوکیف، پیٹر سڈل اور مچل سٹارک شامل ہیں۔ آسٹریلوی ٹیم بنگلہ دیش کے خلاف پہلا ٹیسٹ 9 سے 13 اکتوبر تک چٹاگانگ جبکہ دوسرا اور آخری ٹیسٹ 17 سے 21 اکتوبر تک میرپور میں کھیلا جائے گا۔