نئی دہلی(نیوزڈیسک)بھارتی ہائی کمیشن نے پاکستان کراٹے ٹیم کے تیس رکنی دستے کے پاسپورٹ وصول کرنے سے انکار کر دیا ہے .پاکستان کی کامن ویلتھ کراٹے چیمپئین شپ میں شرکت خدشات کا شکار ہو گئی ہے ۔بھارت کے دارالحکومت دہلی میں 18سے 20ستمبر تک ہونے والی کامن ویلتھ کراٹے چیمپئین شپ کی تیاری کےلئے پاکستان ٹیم کا کیمپ تو جاری ہے تاہم ایونٹ میں شرکت کے لیئے بھارت کا ویزہ آڑے آگیا ۔فیڈریشن کے صدر محمد جہانگیر نے بتایا کہ 17 اگست کو ایونٹ میں شرکت کا دعوت نامہ ملنے کے بعد فوری بعد بھارت کے ویزوں کے لئے آن لائن اپلائی کر دیا گیا لیکن پاسپورٹس وقت کی کمی کا بہانہ بنا کر نہیں لیئے جا رہے۔ اس سے پہلے ویزے جاری نہ کر کے ساوتھ ایشین چیمپئین شپ سے محروم رکھا گیا اب کامن ویلتھ چیمپئین شپ سے محروم رکھا جا رہا ہے
مزید پڑھئے: تہلکہ خیز ایجادات کروڑوں افراد کو بیروزگارکردیںگی
