اسلام آباد (نیوز ڈیسک)راولپنڈی میں والد کے قُل کی دعا کے دوران ہونے والے جھگڑے میں بیٹے کو قتل کردیا گیا۔

نجی ٹی وی کے مطابق پولیس کا کہنا ہے کہ واقعہ تھانہ سول لائن کے علاقے ڈھوک چراغ الدین میں پیش آیا جہاں ملزم واردات کے بعد فرار ہو گیا۔پولیس کا بتانا ہے کہ جھگڑے کے دوران چھری کے وار سے نوجوان زخمی ہوا جس کے بعد ملزم فرار ہوگیا۔بعدازاں نوجوان کو ہسپتال منتقل کیا جا رہا تھا کہ وہ راستے میں ہی دم توڑ گیا۔پولیس کا کہنا ہے کہ ملزم کی تلاش جاری ہے اور واقعے کی مزید تحقیقات بھی کی جا رہی ہیں۔