مانچسٹر(نیوز ڈیسک)انگلینڈ اور آسٹریلیا کے درمیان جاری 5ایک روزہ میچوں پر مشتمل سیریز کے آخری اور فیصلہ کن میچ میں آسٹریلیا نے انگلینڈ کو 8وکٹوں سے شکست دے کر سیریز 2-3سے جیت لی ہے۔ آج میچ میں انگلش ٹیم نے ٹاس جیت پہلے بیٹنگ کا فیصلہ کیا، جو کہ بلکل غلط فیصلہ ثابت ہوا اور پوری ٹیم 33اوورز میں 138رنز کے اسکور پر ڈھیر ہوگئی، ٹیم کی جانب سے بین اسٹوکس42 اور عادل راشد35 رنز کے ساتھ نمایاں رہے، جبکہ کینگروز بولرز کی جانب سے مچل مارش4 اور جان ہیسٹنگز نے 3وکٹیں حاصل کیں۔آسٹریلوی ٹیم نے 139رنز کا ہدف 2.24اوورز میں صرف 2وکٹوں کے نقصان پر باآسانی حاصل کرلیا، جس میں ایرون فنچ70 اور جارج بیلی41 رنز کے ساتھ نمایاں بیٹسمین رہے، تاہم انگلینڈ بولرز کی جانب سے ڈیوڈ ولی اور مارک وڈ نے 1،1وکٹ حاصل کی۔