نیویارک(نیوزڈیسک)خواتین اور مردوں کے عالمی نمبر ایک نوواک جوکووچ اور سرینا ولیمز نے اپنے اپنے حریفوں کو شکست دے کر یو ایس اوپن کے سیمی فائنل میں جگہ بنا لی۔نیویارک میں جاری سال کے آخری گرینڈ سلیم ایونٹ کے خواتین کے کواٹر فائنل مقابلے میں سرینا ولیمز کا مقابلہ اپنی بڑی بہن اور سابقہ چیمپیئن وینس ولیمز سے ہوا اور حسب توقع یہ ایک سخت مقابلہ ثابت ہوا۔سرینا نے پہلا سیٹ 6-2 سے اپنے نام کیا تاہم دوسرے سیٹ میں وینس نے اپنی چھوٹی بہن کو بے بس کرتے ہوئے 6-1 کے اسکور سے سیٹ جیت کر میچ 1-1 سیٹ سے برابر کردیا۔تیسرے اور فیصلہ کن سیٹ میں عالمی نمبر ایک سرینا نے اپنی قابلیت کا بہترین مظاہرہ کرتا ہوئے 6-3 سے سیٹ جیت کر ٹورنامنٹ کے سیمی فائنل میں جگہ بنانے کے ساتھ ساتھ کیلنڈر گرینڈ سلیم مکمل کرنے کے خواب کی تکمیل کی جانب بھی سفر جاری رکھا۔اگر سرینا یو ایس اوپن جیت لیتی ہیں تو خواتین ٹینس کی تاریخ میں ایک سال کے چاروں گرینڈ سلیم جیتنے والی چوتھی کھلاڑی بن جائیں گی۔سیمی فائنل میں سرینا کا مقابلہ اٹلی کی رابرٹا ونچی سے ہوگا جنہوں نے تین سیٹس کے مقابلے کے بعد فرانس کی ملیڈینوواویچ کو زیر کیا۔ادھر مردوں کے مقابلوں میں عالمی نمبر ایک نوواک جوکووچ نے اپنی فتوحات کا سفر جاری رکھتے ہوئے لگاتار