کراچی (نیوزڈیسک) پاکستان کرکٹ ٹیم کے سابق کپتان، کوچ اور سابق ڈائریکٹر جنرل جاوید میاں داد کا کہنا ہے کہ 1999میں میچ فکسنگ کا ناسور پاکستان کرکٹ کی جڑیں کھوکھلی کررہا تھا۔ کرکٹرز کھلے عام غلط کاموں میں مصروف تھے۔ میں نے پانی سر سے اونچا ہوتا دیکھ کر ضمیر کی آواز پر کوچ کا عہدہ چھوڑدیا تھا ۔ ماضی کے غلط کاموں کے اثرات اب تیزی سے آرہے ہیں۔ اس وقت کسی نے بات نہ سنی ۔ کرکٹرز کے ساتھ اس کی ذمے داری بورڈ کے حکام پر بھی عائد ہو تی ہے۔ اس وقت میں نے چیئر مین خالد محمود کو یہ کہہ کر استعفی دیا تھا کہ پاکستان کرکٹ کنویں کی طرف دھکیلی جارہی ہے۔ آج سولہ سال بعد میری بات درست ثابت ہورہی ہے ۔روزنامہ جنگ کے صحافی عبدالماجدبھٹی کی ایک رپورٹ کے مطابق جنگ کو دیئے گئے خصوصی انٹرویو میں جاوید میاں داد نے خالد محمود کے اس دعوے کو غلط قرار دیا کہ انہیں سلیکشن میں صوابدیدی اختیارات