کراچی (نیوزڈیسک) پاکستان کرکٹ بورڈ کرپشن اور اسپاٹ فکسنگ میں ملوث کرکٹرز سلمان بٹ، محمد آصف اور محمد عامر کو نشان عبرت بناتے ہوئے کم از کم ایک سال قومی ٹیم میں شامل کرنے کے موڈ میں نہیں ہے۔ پاکستان ٹیم کے کم از کم پانچ کھلاڑی ایسے ہیں جو ان کھلاڑیوں کو ٹیم میں شامل کرنے کے حامی نہیں ہیں۔ غیر یقینی کی صورتحال میں تینوں کرکٹرز کی انٹرنیشنل کرکٹ میں واپسی مشکل دکھائی دے رہی ہے۔ دوسری جانب پاکستان کرکٹ بورڈ نے محمد آصف کو تنبیہہ کی ہے کہ وہ محتاط رہیں اور غیر ضروری بیان بازی سے گریز کریں ۔ رونامہ جنگ کے صحافی عبدالماجد بھٹی کی رپورٹ کے مطابق پی سی بی کے ترجمان نے تصدیق کی ہے آصف کو زبانی وارننگ دے کر انہیں بورڈ کے روڈ میپ پر عمل درآمد کی ہدایت کی گئی ہے۔ سلمان بٹ اور محمد عامر کو فی الحال حالات کی سنگینی کا علم نہیں ہے۔ تاہم محمد آصف نے چالاکی دکھاتے ہوئے پاکستان کرکٹ بورڈ سے اجازت طلب کی ہے کہ اگر ان کا پاکستان کرکٹ ٹیم
