ممبئی (نیوزڈیسک)بھارت کے لیجنڈ بلے باز سچن ٹنڈولکر نے کہا ہے کہ میری کامیابی کا راز زندگی میں ڈسپلن کو قائم رکھنے اورکبھی شراب اور سگریٹ نہ پینے میں ہے۔انہوں نے بتایا کہ بچپن میں میرے والد نے مجھے نصیحت کی تھی کہ اچھا انسان بنناہے تو زندگی میں کبھی شراب اور سگریٹ کو ہاتھ بھی نہ لگانا ،وہ بات میرے ذہن میں بیٹھ گئی اور میں اس پر ساری زندگی عمل پیر ارہا۔سچن ٹنڈولکر نے نوجوانوں کو نصیحت کی کہ وہ بری عادات اور نشے سے دور رہ کر زندگی میں بلندمقام حاصل کرسکتے ہیں ،سپورٹس مین خود کو سخت محنت کا بھی عادی بنائیں۔