لاہور (نیوز ڈیسک)قومی کرکٹ ٹیم کے کھلاڑی محمد حفیظ نے پلاٹ کے معاملے میں وزیراعلیٰ شہبازشریف کی ہدایت پرڈپٹی سیکریٹری سے ملاقات کی اور سیکریٹری نے محمد حفیظ کو انصاف کی یقین دہانی کروا دی ہے۔ تفصیلات کے مطابق شہبازشریف کا کہناتھا کہ اگر قومی ہیروز کا یہ حال ہے تو عوام کا کیا بنے گا ،محمد حفیظ کو فوری طور پر قانون کے مطابق انصاف کی فراہمی کو یقینی بنایا جائے۔وزیراعلیٰ کے ڈپٹی سیکریٹری نے محمد حفیظ کو پیسوں کی واپسی کی یقین دہانی بھی کروا دی ہے جبکہ محمد حفیظ کا کہناہے کہ کاشف نامی پراپرٹی ڈیلر کو بھی گرفتار کیا جائے۔